ರಕ್ಷಕ ಶಿಕ್ಷಕ ಸಂಘದ ಮಹಾಸಭೆ ಜೂನ್-೧೯

ನಮ್ಮ  ಶಾಲೆಯಲ್ಲಿ ದಿನಾಂಕ ೧೯.೦೬.೨೦೧೬ ನೇ ಆದಿತ್ಯವಾರದಂದು ರಕ್ಷಕ ಶಿಕ್ಷಕ ಸಂಘದ ಮಹಾಸಭೆ ಜರಗಿತು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ.ಶಿವರಾಮ್ ಭಟ್ ರವರು ೨೦೧೫-೧೬ ನೇ ಶೈಕ್ಷಣಿಕ ವರ್ಷದ ವರದಿಯನ್ನು ವಾಚಿಸಿದರು. ಕಳೆದ ವರ್ಷದ ಆಯವ್ಯಯ ಲೆಕ್ಕ ಪತ್ರಗಳನ್ನು ಹಾಗೂ ಊಟದ ವ್ಯವಸ್ಥೆ, ವಾಹನದ ವ್ಯವಸ್ಥೆ, ಶಿಕ್ಷಕ ಪದ್ಮನಾಭ ಆರ್ ರವರು ಮಂಡಿಸಿದರು. ವಾಚನಾಲಯದ ಸಂಚಿಕೆ ಹಾಗೂ ಗ್ರಂಥಾಲಯದ "ವರವನ್ನು ಶಿಕ್ಷಕ ಕೆ.ಶಿವರಾಮ್ ಭಟ್ ತಿಳಿಸಿದರು. 'ವಿವೇಕ' ಸಂಚಯ ವ್ಯವಸ್ಥೆಯ ಕುರಿತು ಶಿಕ್ಷಕಿ ಶ್ರೀಮತಿ ಗೀತಾಕುಮಾರಿ ಇವರು ಮಾಹಿತಿ ನೀಡಿದರು. ಕಂಪ್ಯೂಟರಿನ ಸ್ಥಿತಿಗತಿ ಹಾಗೂ ಈಗಿನ ಕಂಪ್ಯೂಟರಿನ ಸೌಕರ್ಯವನ್ನು ಶಿಕ್ಷಕ ಶ್ರೀ.ವೆಂಕಟ ವಿದ್ಯಾಸಾಗರರು ತಿಳಿಸಿಕೊಟ್ಟರು.  

೨೦೧೬-೧೭ ನೇ ಶೈಕ್ಷಣಿಕ ವರ್ಷದಲ್ಲಿ ಕೈಗೊಳ್ಳುವ ವಿದ್ಯಾಭ್ಯಾಸ ಪರ ಹಾಗೂ ಪಿ.ಟಿ.ಎ ಸದಸ್ಯರನ್ನು ಆಯ್ಕೆ ಮಾಡುವ ಬಗ್ಗೆ ಪಿ.ಟಿ.ಎ ಬಳಗದೊಂದಿಗೆ ಮುಕ್ತ ಚರ್ಚೆ ನಡೆಸಿ ತೀರ್ಮಾನ ಕೈಗೊಳ್ಳಲಾತು. 

ಈ ಸಂದರ್ಭದಲ್ಲಿ ಸ್ವರ್ಗ ಅಂಗನವಾಡಿ ವತಿಯಿಂದ ಶಿಕ್ಷಕಿ ಕುಮಾರಿ ಚಂದ್ರಾವತಿ ಇವರು ಮಕ್ಕಳಿಗೆ ಕೊಡುಗೆಯಾಗಿ ನೀಡಿದ ಗ್ಲಾಸನ್ನು ಮುಖ್ಯೋಪಾಧ್ಯಾಯರಿಗೆ ಹಸ್ತಾಂತರಿಸಿದರು. ಹಾಗೆಯೇ ಶಾಲಾ ವ್ಯವಸ್ಥಾಪಕರಾದ ಶ್ರೀ ಹೃಷಿಕೇಶ್ ವಿ.ಎಸ್‌ರವರ ವತಿಂದ ಮಕ್ಕಳಿಗಾಗಿ ತರಿಸಿದ ಆಟೋಪಕರಣಗಳನ್ನು ಮುಖ್ಯೋಪಾಧ್ಯಾಯರಿಗೆ ಹಸ್ತಾಂತರಿಸಿದರು. ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷೆ ಶ್ರೀಮತಿ ಸುಚಿತ್ರ ಮುಂಗ್ಲಿಕಾನ ಇವರು ಅಧ್ಯಕ್ಷ ಸ್ಥಾನವನ್ನು ವಹಿಸಿದರು. ಶಾಲಾ ವ್ಯವಸ್ಥಾಪಕರಾದ ಶ್ರೀ.ಹೃಷಿಕೇಶ್ ವಿ.ಎಸ್ ಇವರು ಉಪಸ್ಥಿತರಿದ್ದರು. ವಾರ್ಡ್ ಸದಸ್ಯೆ ಕುಮಾರಿ ಚಂದ್ರಾವತಿ ಹಾಗೂ ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ಇವರು ಶುಭಾಶಂಸನೆಗೈದರು. ಮುಖ್ಯೋಪಾಧ್ಯಾಯರಾದ ಶ್ರೀ.ಪಿ ಶಿವರಾಮ್ ಭಟ್ ಇವರು ಎಲ್ಲರನ್ನು ಸ್ವಾಗತಿಸಿ, ಶಿಕ್ಷಕ ವೆಂಕಟ ವಿದ್ಯಾಸಾಗರರು ವಂದನಾರ್ಪಣೆ ಗೈದರು. ಶಿಕ್ಷಕಿ ಶ್ರೀಮತಿ ಗೀತಾಂಜಲಿ ಇವರು ಪ್ರಾರ್ಥಿಸಿ, ಪದ್ಮನಾಭ್ ಆರ್ ಕಾರ್ಯಕ್ರಮ ನಿರೂಪಿಸಿದರು. ಅಪಾರ ಸಂಖ್ಯೆಯಲ್ಲಿ ರಕ್ಷಕರ ಬಳಗವು ನೆರೆದಿತ್ತು. ಕಾರ್ಯಕ್ರಮದ ಕೊನೆಯಲ್ಲಿ ಉಪಹಾರವನ್ನು ಸೇವಿಸಿ ಕಾರ್ಯಕ್ರಮ ಕೊನೆಗೊಂಡಿತು. 

                     ವಿಶ್ವ ಪರಿಸರ ದಿನ

ಮಾನವನು ಅಭಿವೃದ್ಧಿ ಪಥದತ್ತ ಭಾವಿಸುತ್ತಿರುವ ಪರಿಸರದ ಮೇಲೆ ಬೀರುವ ಪರಿಣಾಮದಿಂದ ಜಾಗೃತರಾಗಲು ಜೂನ್ ೫ ಪರಿಸರ ದಿನ ಮಹತ್ವದ ಅರಿವು ಮೂಡಿಸಲು ನಮ್ಮ ಶಾಲೆಯಲ್ಲಿ ವಿವಿಧ ಚಟುವಟಿಕೆಯನ್ನು ಹಮ್ಮಿಕೊಳ್ಳಲಾಯಿತು. ಶಾಲಾ ದೈನಂದಿನ ಎಸೆಂಬ್ಲಿಯಲ್ಲಿ ಪರಿಸರ ಸಂರಕ್ಷಣೆಯ ಕುರಿತಾದ ಪ್ರಬಂಧವನ್ನು ವಿದ್ಯಾರ್ಥಿ ಸಂಜನಾ ಹೃಷಿಕೇಶ್ ಮಂಡಿಸಿದಳು. ಪರಿಸರ ಶುಚಿತ್ವಕ್ಕೆ ಸಂಬಂಧಿಸಿದ ಪ್ರತಿಜ್ಞೆಯನ್ನು ಶಿಕ್ಷಕ ಪದ್ಮನಾಭ ಆರ್ ಇವರು ಮಕ್ಕಳಿಗೆ ತಿಳಿಸಿದರು. ಪ್ರತಿ ತರಗತಿಯಲ್ಲೂ ಭಿತ್ತಿ ಪತ್ರಿಕೆ, ಪತ್ತೆ ಹಚ್ಚುವ ಇತ್ಯಾದಿ ಚಟುವಟಿಕೆಯನ್ನು ಮಾಡಲಾಯಿತು. ಈ ಶೈಕ್ಷಣಿಕ ವರ್ಷ ದ್ವಿದಳ ಧಾನ್ಯ ವರ್ಷ ಇದರ ಅಂಗವಾಗಿ ಮಕ್ಕಳಿಗೆ ಧಾನ್ಯಗಳನ್ನು ಪತ್ತೆ ಹಚ್ಚುವ ಚಟುವಟಿಕೆಯನ್ನು ನಡೆಸಿ ನಂತರ ಶಾಲಾ ಪರಿಸರದಲ್ಲಿ ದ್ವಿದಳ ಧಾನ್ಯಗಳನ್ನು ಬಿತ್ತುವ ಚಟುವಟಿಕೆಯನ್ನು ಮಾಡಲಾಯಿತು. ನಂತರ ಎಲ್ಲಾ ಮಕ್ಕಳಿಗೂ ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ.ಶಿವರಾಮ್ ಭಟ್ ರವರು ಮಕ್ಕಳಿಗೆ ಗಿಡವನ್ನು ವಿತರಿಸಿದರು. 

               

                      

                 ಶಾಲಾ ಪ್ರಾರಂಭೋತ್ಸವ

ನಮ್ಮ ಶಾಲೆಯಲ್ಲಿ ಬೇಸಗೆಯ ಸುದೀರ್ಘ ರಜಾ ಅನುಭವ ಬುತ್ತಿಯೊಂದಿಗೆ ನೂತನ ಶೈಕ್ಷಣಿಕ ವರ್ಷ ೨೦೧೬-೧೭ ಕ್ಕೆ ಆಗಮಿಸುವ ಪುಟಾಣಿ ಮಕ್ಕಳನ್ನು ಹಿರಿಯ ಮಕ್ಕಳೂ ಶಿಕ್ಷಕ, ರಕ್ಷಕ ಬಳಗ ವಿಶೇಷ ರೀತಿಯಲ್ಲಿ ಬರಮಾಡಿಕೊಳ್ಳುವಂತೆ ಪ್ರವೇಶೋತ್ಸವವನ್ನು ವೈವಿಧ್ಯಮಯವಾಗಿ ಶಾಲೆಯಲ್ಲಿ ವಿಜೃಂಭಣೆಯಿಂದ ಆಚರಿಸಲಾಯಿತು. ಶಾಲಾ ರೇಡಿಯೋ ಕೇಂದ್ರ ಸ್ವರ್ಗ ತರಂಗದ ಮೂಲಕ ಸುಮಧುರ ಪ್ರವೇಶೋತ್ಸವ ಗೀತೆಯನ್ನು ಕೇಳಿಸಲಾಯಿತು. ನಂತರ ಭವ್ಯ ಮೆರವಣಿಗೆಯನ್ನು ಶಾಲಾ ವ್ಯವಸ್ಥಾಪಕರಾದ ಶ್ರೀ ಹೃಷಿಕೇಶ ವಿ.ಎಸ್ ಹಾಗೂ ಪಂಚಾಯತು ಸದಸ್ಯೆ ಕುಮಾರಿ ಚಂದ್ರಾವತಿ ಇವರು ಪ್ರವೇಶೋತ್ಸವ ಬೇನರನ್ನು ಮಕ್ಕಳಿಗೆ ಹಸ್ತಾಂತರಿಸುವ ಮೂಲಕ ಉದ್ಘಾಟಿಸಿದರು. ಸ್ಥಳೀಯ ಶಾಸ್ತಾ ಕ್ಲಬಿನ ಸದಸ್ಯರಿಂದ ನಾಸಿಕ್ ಬ್ಯಾಂಡಿನ ತಾಳಕ್ಕೆ ಸರಿಯಾಗಿ ಕುಣಿಯುವ ವಿವಿಧ ರೀತಿಯ ಬೊಂಬೆ ಕುಣಿತ ಮೆರವಣಿಗೆ ವಿಶೇಷ ಮೆರುಗನ್ನು ನೀಡುವುದರ ಜೊತೆಗೆ ಕೇರಳೀಯ ಉಡುಪು ಧರಿಸಿದ ಹೆಣ್ಣು ಮಕ್ಕಳು ಪುಷ್ಪ,ಪುಗ್ಗೆ ಆಕರ್ಷಕ ಮುಖವಾಡ, ಟೋಪಿ, ಡಿಸ್‌ಪ್ಲೇ ಕೋಲುಗಳನ್ನು ಹಿಡಿದ ಮಕ್ಕಳ ದಂಡು ಎಲ್ಲರನ್ನು ಮನರಂಜಿಸಿತು. ನಂತರ ನವಾಗತ ಮಕ್ಕಳಿಗೆ ಶಾಲಾ ಅಧ್ಯಾಪಿಕೆಯರು ಆರತಿ ಬೆಳಗಿದರೆ, ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷೆ ಶ್ರೀಮತಿ ಸುಚಿತ್ರ ಮುಂಗ್ಲಿಕಾನ ರವರು ಮಕ್ಕಳ ಹಣೆಗೆ ತಿಲಕವನ್ನು ಹಾಗೂ ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್‌ರವರು ಮಕ್ಕಳಿಗೆ ಪುಷ್ಪ ದಳಗಳನ್ನಿತ್ತು ಸ್ವಾಗತಿಸಿದರು. ನಂತರ ಮಕ್ಕಳು ವಿದ್ಯಾಧಿ ದೇವತೆ ಸರಸ್ವತಿಗೆ ಪುಷ್ಪ ದಳಗಳನ್ನು ಸಮರ್ಪಿಸಿ ನಮಸ್ಕರಿಸಿದರು. ಸಭಾ ಕಾರ್ಯಕ್ರಮವನ್ನು ಶಾಲಾ ವ್ಯವಸ್ಥಾಪಕರಾದ ಶ್ರೀ ಹೃಷಿಕೇಶ್ ವಿ.ಎಸ್ ಇವರು ದ್ವೀಪ ಜಾಲನೆಯ ಮೂಲಕ ಚಾಲನೆಯಿತ್ತರು. ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷೆ ಶ್ರೀಮತಿ ಸುಚಿತ್ರ ಮುಂಗ್ಲಿಕಾನರವರು ವಹಿಸಿದ್ದರು. ಮುಖ್ಯ ಅತಿಥಿ ಸ್ಥಾನವನ್ನು ವಹಿಸಿದ ಮಾಜಿ ಪಂಚಾಯತು ಸದಸ್ಯ ಹಾಗೂ ಉತ್ತಮ ಸಾಹಿತ್ಯಾಸಕ್ತರು ಆದ ಶ್ರೀ ಶ್ರೀನಿವಾಸ ಎಡಮಲೆಯವರು ವಿದ್ಯಾಭ್ಯಾಸದ ಔಚಿತ್ಯವನ್ನು ತಿಳಿಸಿದರು. ಇನ್ನೋರ್ವ ಮುಖ್ಯ ಅತಿಥಿ ಮಾತೃಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ರವರು ಮಗುವನ್ನು ಒಂದು ಉತ್ತಮ ಶಿಲ್ಪಿಯನ್ನಾಗಿಸುವ ಎಲ್ಲಾ ವಿಧದ ಸೌಲಭ್ಯಗಳು ಈ ಶಾಲೆಯಲ್ಲಿ ಲಭಿಸುತ್ತದೆ ಎಂದು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರು. ಈ ಸಂದರ್ಭದಲ್ಲಿ ೧ನೇ ತರಗತಿಯ ಮಕ್ಕಳಿಗೆ ದಿವಂಗತ ವಾಲ್ತಾಜೆ ಶ್ರೀಪತಿ ಭಟ್ ಹಾಗೂ ದಿವಂಗತ ವಾಲ್ತಾಜೆ ಶ್ರೀಧರ ಭಟ್ ಸ್ಮರನಾರ್ಥ ನೂತನ ಮಕ್ಕಳಿಗೆ ಕೊಡುಗೆಯಾಗಿ ನೀಡಿದ ಸ್ಲೇಟು, ಬಳಪ, ಬ್ಯಾಗ್ ಹಾಗೂ ಸಮವಸ್ತ್ರವನ್ನು ಅತಿಥಿಗಳು ವಿತರಿಸಿದರು. ಸಂಸ್ಕ್ರತ ಶಿಕ್ಷಕ ಶ್ರೀ ಕೆ ಶಿವರಾಮ್ ಭಟ್ ರವರು ಕಾರ್ಯಕ್ರಮ ನಿರೂಪಿಸಿದರು. ಮುಖ್ಯೋಪಾಧ್ಯಾಯರಾದ ಶ್ರೀ ಪಿ.ಶಿವರಾಮ್ ಭಟ್ ರವರು ಸ್ವಾಗತಿಸಿ, ಶಿಕ್ಷಕಿ ಶ್ರೀಮತಿ ಗೀತಾ ಕುಮಾರಿ ವಂದನಾರ್ಪಣೆ ಗೈದರು. ಹೆಚ್ಚಿನ ಸಂಖ್ಯೆಯಲ್ಲಿ ಹೆತ್ತವರು ಭಾಗವಹಿಸಿದ್ದರು. ಕಾರ್ಯಕ್ರಮದ ಕೊನೆಯಲ್ಲಿ ಎಲ್ಲರಿಗೂ ಉಪಹಾರ ಲಿಂಬೆ ಪಾನೀಯ, ಅವಲಕ್ಕಿ, ಹೋಳಿಗೆ, ವ್ಯವಸ್ಥೆಯನ್ನು ಮುಖ್ಯೋಪಾಧ್ಯಾಯರಾದ ಶ್ರೀ.ಪಿ ಶಿವರಾಮ್ ಭಟ್ ರವರು ಮಾಡಿದರು. 

                                                                  ***********

           ಶೈಕ್ಷಣಿಕ   ವರ್ಷ   2016-2017 ಕ್ಕೆ  ಸ್ವಾಗತ             

ಗಣಿತ ಮೆಟ್ರಿಕ್ ಶಿಬಿರ -ಎಲ್.ಪಿ ತರಗತಿ

ನಮ್ಮ ಶಾಲೆಯಲ್ಲಿ ೩ &೪ ನೇ ತರಗತಿಯ ಮಕ್ಕಳಿಗಾಗಿ ೨ ದಿನದ ಗಣಿತ ಮೆಟ್ರಿಕ್ ಶಿಬಿರವು ಶಾಲಾ ಮಟ್ಟದಲ್ಲಿ ಜರಗಿತು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ.ಶಿವರಾಮ್ ಭಟ್ ಕಾರ್ಯಕ್ರಮಕ್ಕೆ ಶುಭಕೋರಿದರು. ಮುಖ್ಯೋಪಾಧ್ಯಾಯರೇ ಮಕ್ಕಳು ತಯಾರಿಸಿದ ಬ್ಯಾಡ್ಜು ಮಕ್ಕಳಿಗೆ ವಿತರಿಸಿದರು. ಶಿಬಿರದಲ್ಲಿ ಭಾರ, ಉದ್ದ, ಲೀಟರ್‌ಗಳಿಗೆ ಸಂಬಂಧಿಸಿದ ಪ್ರಾತ್ಯಕ್ಷಿಕ ಅನುಭವಪಡುವ ಚಟುವಟಿಕೆಗಳು, ಗಣಿತ  ಆಟಗಳು, ನಿರ್ಮಾಣ ಚಟುವಟಿಕೆಗಳಿದ್ದವು. ಶಿಕ್ಷಕಿಯರಾದ ಶ್ರೀಮತಿ ಗೀತಾಂಜಲಿ ಹಾಗೂ ಶ್ರೀಮತಿ ಅಶ್ವಿನಿ ಟೀಚರ್ ರವರು ಶಿಬಿರ  ಚಟುವಟಿಕೆಗಳನ್ನು ನಡೆಸಿಕೊಟ್ಟರು. 

ಸಂಭ್ರಮದ ವಾರ್ಷಿಕೋತ್ಸವ ಹಾಗೂ ಹೆತ್ತವರ ದಿನಾಚರಣೆ

ನಮ್ಮಶಾಲೆಯಲ್ಲಿ ವಾರ್ಷಿಕೋತ್ಸವ ಹಾಗೂ ಹೆತ್ತವರ ದಿನಾಚರಣೆಯು ಶಾಲಾ ವ್ಯವಸ್ಥಾಪಕರಾದ ಶ್ರೀ ಹೃಷಿಕೇಶ್ ವಿ.ಎಸ್ ಇವರು ದ್ವೀಪಜ್ವಾಲನೆಯ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆಯಿತ್ತರು.

ಸಭೆಯಲ್ಲಿ ಬದಿಯಡ್ಕ ವಿಶ್ರಾಂತ ಪ್ರಾಂಶುಪಾಲರು ಶ್ರೀ ಬೇ. ಸೀ ಗೋಪಾಲಕೃಷ್ಣ ಇವರು ಮುಖ್ಯ ಅತಿಥಿಯಾಗಿ ಸಭೆಯಲ್ಲಿ ಮಾತನಾಡಿದರು. ಅಭ್ಯಾಗತರಾಗಿ ಕುಂಬಳೆ  ಉಪಜಿಲ್ಲೆ ಸಹಾಯಕ ವಿಧ್ಯಾಧಿಕಾರಿಯಾದ ಶ್ರೀ ಕೈಲಾಸಮೂರ್ತಿ ಮಾತನಾಡಿ ಮಕ್ಕಳ ಚಟುವಟಿಕೆಯ ಕುರಿತು ಸವಿಸ್ತಾರವಾಗಿ ಮಕ್ಕಳಿಗೆ ಮನವಿ ಮಾಡಿಕೊಟ್ಟರು. ಹಾಗೇಯೇ ಶುಭಾಶಂಸನೆಗಾಗಿ ಬಂದಂತಹ ನಾಲಾಂದಾ  ಮಹಾವಿದ್ಯಾಲಯದ ಪ್ರಾಧ್ಯಾಪಿಕೆ ಪೆರ್ಲ ಹಾಗೂ ಎಣ್ಮಕಜೆ ಗ್ರಾಮಪಂಚಾಯತ್ ವಾರ್ಡ್ ಸದಸ್ಯೆ ಕುಮಾರಿ ಚಂದ್ರಾವತಿ ಇವರು ಶುಭಾಸಂಶನೆ ಗೈದರು.  ಹಲವಾರು ಕ್ಷೇತ್ರದಲ್ಲಿ ಪ್ರತಿಭೆಯುಳ್ಳ ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ಇವರಿಗೆ ಮತ್ತು ಅಂಗನವಾಡಿ ಉತ್ತಮ ಟೀಚರು ಎಂಬ ಪ್ರಶಸ್ತಿ ಪಡೆದಿರುವ ಎಣ್ಮಕಜೆ ಗ್ರಾಮ ಪಂಚಾಯತ್ ವಾರ್ಡ್ ಸದಸ್ಯೆ ಕುಮಾರಿ ಚಂದ್ರಾವತಿ, ಹಾಗೂ ಸೂರಂಬೈಲು ಕಟ್ಟೆ ಆಶಾ ಕಾರ್ಯಕರ್ತೆಯಾದ  ಶ್ರೀಮತಿ  ಚಂದ್ರಾವತಿ ಇವರಿಗೆ ಫಲ ಪುಷ್ಪ ನೀಡಿ ಗೌರವಿಸಲಾಯಿತು.

ಸಭೆಯಲ್ಲಿ ಸ್ವರ್ಗ ಅಂಗನವಾಡಿ, ಶಾಲಾ ಮಕ್ಕಳಿಗೆ, ಹೆತ್ತವರಿಗೆ ನಡೆಸಲಾದ ಹತ್ತು ಹಲವು ವಿಶಿಷ್ಟ ಸ್ಪರ್ಧೆಗಳ ವಿಜೇತರಿಗೆ ಬಹುಮಾನವನ್ನು ವಿತರಿಸಿದರು.

ಶಾಲಾ ಮುಖ್ಯೋಪಾಧ್ಯಾಯ ಪಿ.ಶಿವರಾಮ್ ಭಟ್‌ರವರು ಗತವರ್ಷದ  ಶಾಲಾ ಸಮಗ್ರ ವರದಿಯನ್ನು ಮಂಡಿಸಿದರು. ೭ ನೇ ತರಗತಿಯ ವಿದ್ಯಾರ್ಥಿ ಗಿರೀಶ ವಿವೇಕಾನಂದರ ವೇಷವನ್ನು ಧರಿಸಿ ಸ್ವಾಮೀ ವಿವೇಕಾನಂದರ ಚಿಕಾಗೋ ಭಾಷಣದ ಅವತರಣಿಕೆಯಾಯಿತು. ಶಾಲಾ ವ್ಯವಸ್ಥಾಪಕರಾದ ಹೃಷಿಕೇಶ್ ವಿ.ಎಸ್, ಪಿ.ಟಿ.ಎ ಅಧ್ಯಕ್ಷೆ ಸುಚಿತ್ರ ಮುಂಗ್ಲಿಕಾನ ಇವರು ಉಪಸ್ಥಿತರಿದ್ದರು.

ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ಇವರು ಎಲ್ಲರನ್ನು ಸ್ವಾಗತಿಸಿ, ಶಿಕ್ಷಕ ಎಸ್.ಎನ್ ವೆಂಕಟವಿದ್ಯಾಸಾಗರರು ಧನ್ಯವಾದ ಗೈದರು. ಶಿಕ್ಷಕಿ ಶ್ರೀಮತಿ ಗೀತಾಕುಮಾರಿ ಹಾಗೂ ವಿದ್ಯಾರ್ಥಿಗಳು ಕಾರ್ಯಕ್ರಮ ನಿರೂಪಿಸಿದರು. ಇದರೊಂದಿಗೆ ಉಪಾಹಾರದ ವ್ಯವಸ್ಥೆ ವಿತರಿಸಿತ್ತು. ನಂತರ ಶಾಲಾ ಮಕ್ಕಳಿಂದ ಹಾಗೂ ಹೆತ್ತವರಿಂದ ವಿವಿಧ ನ್ಯತ್ಯೋತ್ಸವ ಕಾರ್ಯಕ್ರಮ ನಡೆಯಿತು. 

                                         ಬಯಲು ವೀಕ್ಷಣೆ

ನಮ್ಮ ಶಾಲೆಯ ೭ ನೇ ತರಗತಿಯ ವಿದ್ಯಾರ್ಥಿಗಳು ಪ್ರಕೃತಿ ವೀಕ್ಷಣೆಗಾಗಿ ಸಮೀಪದ ವಾಣೀನಗರ ರಕ್ಷಿತಾರಣ್ಯಕ್ಕೆ ಭೇಟಿಯಿತ್ತರು. ಅರಣ್ಯದ ಹೊರಗೆ ನಾವು ಅನುಭವಿಸುವ ಬಿಸಿ ವಾತಾವರಣ ಮತ್ತು ಕಾಡಿನೊಳಗಿರುವ ತಂಪಿನ ವಾತಾವರಣವು ವಿದ್ಯಾರ್ಥಿಗಳಿಗೆ ಖುಷಿ ತಂದಿತು, ಕಾಡಿನಲ್ಲಿ ನೆಲ್ಲಿಕಾಯಿ, ಮುಳ್ಳುಕಾಯಿಗಳನ್ನು ಸವಿಯುತ್ತಾ, ಒರತೆಯ ನೀರಿನ ತಂಪನ್ನನುಭವಿಸುತ್ತಾ ವಿವಿಧ ಪ್ರಾಣಿ ಪಕ್ಷಿಗಳ ಸ್ವಚ್ಛಂದ ಹಾರಾಟವು ಮನಸ್ಸಿಗೆ ಮುದ ನೀಡಿತು. ಇಂಗ್ಲಿಷ್ ಪಠ್ಯಕ್ಕನುಸರಿಸಿ 'ನೇಚರ್ ವಾಕ್' ಸಂಬಂಧಿಸಿ ಆಯೋಜಿಸಲಾದ ಈ ಬಯಲು ವೀಕ್ಷಣೆಗೆ ಶಿಕ್ಷಕ ಸಚ್ಚಿದಾನಂದ.ಎಸ್ ನೇತೃತ್ವ ನೀಡಿದ್ದರು. ಭವಿಷ್ಯದಲ್ಲಿ ಕಾಡನ್ನು ಉಳಿಸಿ ಬೆಳೆಸುವ ಅಗತ್ಯ ಸಂಕಲ್ಪವನ್ನು ವಿದ್ಯಾರ್ಥಿಗಳು ಮನಗಂಡರು. 

                               ನಮ್ಮ ಶಾಲೆಯ ಕೃಷಿ ಚಟುವಟಿಕೆಗಳು

           ಪ್ರಾಕೃತಿಕ ಕೆರೆಗಳ ಸಂದರ್ಶನ

ನಮ್ಮ ಶಾಲೆಯ ೬ನೇ ತರಗತಿಯ ವಿದ್ಯಾರ್ಥಿಗಳು ಮಲ್ಲತಡ್ಕ-ಮೂಲಸ್ಥಾನ ಸಮೀಪವಿರುವ ಹಲವು ಜೀವಿಗಳ ವಾಸಸ್ಥಾನವಾಗಿರುವ ಕೆರೆಗಳನ್ನು ಸಂದರ್ಶಿಸಿದರು. ಕಾಡು ಮರಗಳಿಂದ ಸುತ್ತುವರಿದು ನಿರಂತರ ಒರತೆಯಿಂದ ತುಂಬಿ ಹರಿಯುತ್ತಿರುವ ಹಲವು ಕೆರೆಗಳು ಈ ಪ್ರದೇಶದಲ್ಲಿದ್ದು ವಿದ್ಯಾರ್ಥಿಗಳ ವಿeನ ಕಲಿಕೆಗೆ ಪೂರಕವಾಗಿದೆ. ಜೀವ ಪರಿಸ್ಥಿತಿವ್ಯೂಹ ಗಳಂತೆ ಕಾರ್ಯವೆಸಗುವ ನೈಸರ್ಗಿಕ ಕೆರೆಗಳನ್ನು ನೋಡಿ ಸಂಭ್ರಮಿಸಿದರು. ಕಪ್ಪೆ, ಮೀನು,ಆಮೆ, ಏಡಿ,ಹಾವು ಮುಂತಾದ ಜಲಚರಗಳಲ್ಲದೇ ಪಕ್ಷಿಗಳು, ಇನ್ನಿತರ ಕೀಟಗಳಿಗೆ ಆಶ್ರಯ ತಾಣವಾಗಿದೆ ಎಂದು ಪ್ರತ್ಯಕ್ಷ ದರ್ಶನದಿಂದ ತಿಳಿದು ಕೊಂಡರು. ಪಿ.ಟಿ.ಎ ಸದಸ್ಯರಾದ ವಿಷ್ಣು ಪ್ರಸಾದ ಕೆ.ವೈ ನೇತೃತ್ವದಲ್ಲಿ ಶಿಕ್ಷಕ ಸಚ್ಚಿದಾನಂದ ಎಸ್  ಬಯಲು ಪ್ರವಾಸವನ್ನು ಆಯೋಜಿಸಿದ್ದರು. 

                                           ಕಾವ್ಯ ಪುರಸ್ಕಾರ

ಗ್ರಾಮಾಂತರ ಬುದ್ಧಿ ಜೀವಿಗಳ ಬಳಗದ ೩೦ ನೇ ವರ್ಷದ ಸಾಹಿತ್ಯೋತ್ಸವದಲ್ಲಿ ರಾಜ್ಯ ಮಟ್ಟದ ವಿಶ್ವ ಕವಿ ಕುವೆಂಪು ನೆನಪಿನ ಕಾವ್ಯ ಪುರಸ್ಕಾರಕ್ಕೆ ಹೊರನಾಡ ಕನ್ನಡಿಗರಾಗಿ ಅರ್ಹತೆ ಪಡೆದ ನಮ್ಮಶಾಲೆಯ ಮಾತೃ ಸಂಘದ ಅಧ್ಯಕ್ಷೆ ಮಂಜರಿ ನವೀನ್ ರವರು ಮೈಸೂರಿನಲ್ಲಿ ಇತ್ತೀಚೆಗೆ ಜರಗಿದ ಶಿವರಾತ್ರಿ ರಾಜೇಂದ್ರ ಕಲಾಭವನದಲ್ಲಿ ನಡೆದ ರಾಜ್ಯ ಮಟ್ಟದ ಸಾಹಿತ್ಯೋತ್ಸವದಲ್ಲಿ ಪ್ರಶಸ್ತಿಯನ್ನು ಪಡೆದಿರುತ್ತಾರೆ. 

                                    ಕಲೋತ್ಸವ ಪ್ರತಿಭೆ 

ಇತ್ತೀಚೆಗೆ ನಡೆದ ಕುಂಬಳೆ ಉಪಜಿಲ್ಲಾ ಮಟ್ಟದ ಕಲೋತ್ಸವದಲ್ಲಿ ಎಲ್.ಪಿ ವಿಭಾಗದ ಒಗಟು ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಗಳಿಸಿದ ಕು|ಪ್ರಣೀತಾ ಎಮ್.ಎಸ್, ಈಕೆ ನಮ್ಮ ಶಾಲೆಯಲ್ಲಿ ೨ನೇ ತರಗತಿಯ ವಿದ್ಯಾರ್ಥಿನಿಯಾಗಿದ್ದಾಳೆ. ಕಥೆ ಹೇಳುವ ಸ್ಪರ್ಧೆ ಹಾಗೂ ಶಾಸ್ತ್ರೀಯ ಸಂಗೀತಗಳಲ್ಲೂ ಉತ್ತಮ ಗ್ರೇಡನ್ನು ಪಡೆದಿರುವ, ಈಕೆ ಅಧ್ಯಾಪಕ ದಂಪತಿಗಳಾದ ಶ್ರೀ.ಸಚ್ಚಿದಾನಂದ ಎಸ್ ಹಾಗೂ ಶ್ರೀಮತಿ ಸರಸ್ವತಿಯವರ ಪುತ್ರಿಯಾಗಿರುತ್ತಾಳೆ. 

                                           *********

ಇತ್ತೀಚೆಗೆ ಸರಕಾರಿ ಪ್ರೌಢ ಶಾಲೆ ಬದಿಯಡ್ಕದಲ್ಲಿ ಜರಗಿದ ಕುಂಬಳೆ ಉಪಜಿಲ್ಲಾ ಮಟ್ಟದ ಕಲೋತ್ಸವದಲ್ಲಿ ಯು.ಪಿ ಸಂಸ್ಕ್ರತ ವಿಭಾಗದಲ್ಲಿ ೭೮ ಅಂಕಗಳೊಂದಿಗೆ ದ್ವಿತೀಯ ಸ್ಥಾನ ಗಳಿಸಿದ ನಮ್ಮ ಶಾಲೆಯ ಸಂಸ್ಕ್ರತ ವಿದ್ಯಾರ್ಥಿ, ವಿದ್ಯಾರ್ಥಿನಿಯರು.  ಮುಖ್ಯೋಪಾಧ್ಯಾಯರಾದ ಶ್ರೀ ಪಿ. ಶಿವರಾಮ್ ಭಟ್ ಹಾಗೂ ಸಂಸ್ಕ್ರತ ಶಿಕ್ಷಕರಾದ ಕೆ. ಶಿವರಾಮ್ ಭಟ್ ಇವರೊಂದಿಗೆ.

                                                                 *********


ಇತ್ತೀಚೆಗೆ ಸರಕಾರಿ ಪ್ರೌಢ ಶಾಲೆ ಬದಿಯಡ್ಕದಲ್ಲಿ ಜರಗಿದ ಕುಂಬಳೆ ಉಪಜಿಲ್ಲಾ ಮಟ್ಟದ ಕಲೋತ್ಸವದಲ್ಲಿ ಎಲ್.ಪಿ ವಿಭಾಗದ ಕನ್ನಡ ಸ್ಪರ್ಧೆಗಳಲ್ಲಿ ೧೪ ಅಂಕಗಳೊಂದಿಗೆ ರನ್ನರ್ ಅಪ್ ಪ್ರಶಸ್ತಿ ಸ್ವೀಕರಿಸಿದ ನಮ್ಮ ಶಾಲೆಯ ವಿದ್ಯಾರ್ಥಿಗಳು. ಮುಖ್ಯೋಪಾಧ್ಯಾಯರಾದ ಶ್ರೀ ಪಿ. ಶಿವರಾಮ್ ಭಟ್ ಹಾಗೂ ಶಿಕ್ಷಕರಾದ ಶ್ರೀ ಸಚ್ಚಿದಾನಂದ ಎಸ್ ಇವರೊಂದಿಗೆ.

                                 ***************

               ಸಂಸ್ಕೃತ ಶಿಬಿರ ಚೈತನ್ಯಮ್  

ಕುಂಬಳೆ ಉಪ ಜಿಲ್ಲಾ ಮಟ್ಟದ ಒಂದು ದಿನದ ಸಹವಾಸ ಶಿಬಿರ ನಮ್ಮ ಶಾಲೆಯಲ್ಲಿ ಉದ್ಘಾಟನೆಗೊಂಡಿತು. ರಕ್ಷಕ ಶಿಕ್ಷಕ ಮಾತೃಸಂಘದ ಅಧ್ಯಕ್ಷೆ ಶ್ರೀಮತಿ ಸುಚಿತ್ರ ಮುಂಗ್ಲಿಕಾನ ಇವರು ದೀಪ ಬೆಳಗಿಸಿ ಉದ್ಘಾಟಿಸಿದರು. ಎನ್.ಎಚ್‌ಎಸ್ ಪೆರಡಾಲದ ನಿವೃತ್ತ ಸಂಸ್ಕ್ರತ ಶಿಕ್ಷಕರಾದ ಸದಾಶಿವ ಭಟ್‌ರವರು ಮುಖ್ಯ ಅಥಿತಿಯಾಗಿ ಶಿಬಿರದ ಮಹತ್ವವನ್ನು ತಿಳಿಸಿದರು. 

ಶುಭಾಶಂಸನೆಗಾಗಿ ಆಗಮಿಸಿದ ಮೊನ್ನೆ ತಾನೆ ಜರುಗಿದ ತ್ರಿಸ್ತರ ಪಂಚಾಯತ್ ಚುನಾವಣೆಯಲ್ಲಿ ವಿಜಯಗಳಿಸಿದ ನಮ್ಮ ವಾರ್ಡ್ ಸದಸ್ಯೆ ಅಂಗನವಾಡಿ ಉತ್ತಮ ಶಿಕ್ಷಕಿ ಪ್ರಶಸ್ತಿ ವಿಜೇತ ಕುಮಾರಿ ಚಂದ್ರಾವತಿ.ಎಮ್ ಹಾಗೂ ಬ್ಲಾಕ್ ಪಂಚಾಯತ್ ಸದಸ್ಯೆಯಾಗಿ ಆಯ್ಕೆಗೊಂಡ  ಶ್ರೀಮತಿ ಸವಿತ ನಾಗರಾಜ್ ಇವರನ್ನು ಸಂಸ್ಥೆಯ ವತಿಯಿಂದ ಶಾಲು ಹೊದಿಸಿ ಸ್ಮರಣಿಕೆಯನ್ನು ನೀಡಿ ಗೌರವಿಸಲಾಯಿತು. ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್, ಶಾಲಾ ಮುಖ್ಯೋಪಾಧ್ಯಾಯರಾದ ಪಿ.ಶಿವರಾಮ್ ಭಟ್ ಇವರು ಕಾರ್ಯಕ್ರಮಕ್ಕೆ ಶುಭಹಾರೈಸಿದರು.ನಮ್ಮ ಶಾಲಾವ್ಯವಸ್ಥಾಪಕರಾದ ಶ್ರೀ ಹೃಷಿಕೇಶ ವಿ.ಎಸ್ ಇವರು ಉಪಸ್ಥಿತರಿದ್ದರು. ಎಸ್.ಎನ್.ಎಚ್.ಎಸ್ ಪೆರ್ಲ ಶಾಲೆಯ ಸಂಸ್ಕ್ರತ ಶಿಕ್ಷಕರಾದ ಶ್ರೀ.ರಂಜಿತ್(ಕಾಸರಗೋಡು ಸಂಸ್ಕ್ರತ ಟೀಚರ್ಸ್  ಫೆಡರೇಷನ್) ರವರು ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದರು. ಇದೇ ಶಾಲೆಯ ಸಂಸ್ಕ್ರತ ಅಧ್ಯಾಪಕರಾದ ಶ್ರೀ.ಕೆ ಶಿವರಾಮ್ ಭಟ್ ರವರು ಸ್ವಾಗತಿಸಿ, ಕುಂಬಳೆ ಉಪ ಜಿಲ್ಲೆಯ ಸಂಸ್ಕ್ರತ ಕೌನ್ಸಿಲ್‌ನ ಕಾರ್ಯದರ್ಶಿ ಶ್ರೀ ನಂದಕುಮಾರ್ ಇವರು ವಂದಿಸಿ ಶಿಕ್ಷಕಿ ಶ್ರೀಮತಿ ಗೀತಾಕುಮಾರಿ ಇವರು ಕಾರ್ಯಕ್ರಮವನ್ನು ನಿರೂಪಿಸಿದರು. ಕುಂಬಳೆ ಉಪ ಜಿಲ್ಲೆಯ ವಿವಿಧ ಶಾಲೆಗಳಿಂದ ಆಗಮಿಸಿದ ೧೪೭ ಮಂದಿ ಶಿಬಿರಾರ್ಥಿಗಳು, ಸಂಸ್ಕ್ರತ ಸಂಪನ್ಮೂಲ ವ್ಯಕ್ತಿಗಳು, ಶಿಕ್ಷಕರು, ಹೆತ್ತವರು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.

ಸಂಸ್ಕೃತ ಶಿಬಿರ ಚೈತನ್ಯಮ್ ಸಮಾರೋಪ ಸಮಾರಂಭ 

ಕುಂಬಳೆ ಉಪ ಜಿಲ್ಲಾ ಮಟ್ಟದ ಒಂದು ದಿನದ ಸಹವಾಸ ಶಿಬಿರ ನಮ್ಮ ಶಾಲೆಯಲ್ಲಿ ಸಮಾರೋಪ ಸಮಾರಂಭಗೊಂಡಿತು. ಕುಂಬಳೆ ಉಪಜಿಲ್ಲಾ ವಿದ್ಯಾಧಿಕಾರಿಯಾದ ಶ್ರೀ ಕೈಲಾಸ ಮೂರ್ತಿಯವರು ಮುಖ್ಯ ಅತಿಥಿಯಾಗಿ ಮಕ್ಕಳಿಗೆ ಶಿಬಿರದ ಮಹತ್ವ ಹಾಗೂ ಸಂಸ್ಕ್ರತ ಭಾಷೆ ದೇವಭಾಷೆ ಈ ಭಾಷೆ ಎಲ್ಲಾ ಮಕ್ಕಳಲ್ಲಿಯೂ ಅಭಿರುಚಿಯನ್ನು ಮೂಡಿಸಲಿ ಎಂದು ಶುಭಹಾರೈಸಿದರು. ಹಾಗೆಯೇ ಶುಭಾಶಂಸನೆಗಾಗಿ ಆಗಮಿಸಿದ ಎಸ್.ವಿ.ಎ.ಯು.ಪಿ ಶಾಲೆಯ ನಿವೃತ್ತ ಮುಖ್ಯೋಪಾಧ್ಯಾಯರಾದ ಶ್ರೀ.ಕೆ ವೈ ಸುಬ್ರಹ್ಮಣ್ಯ ಭಟ್ ಇವರು ಶಾಲೆಯ ಉನ್ನತಿಯ ಬಗ್ಗೆ ತಿಳಿಸಿ ಶಿಬಿರಕ್ಕೆ ಶುಭ ಹಾರೈಸಿದರು. ಬಿ.ಆರ್.ಸಿ ತರಬೇತಿದಾರ ಶ್ರೀ ಲಕ್ಷ್ಮೀಪ್ರಿಯ ಸರಳಾಯರವರು ಸಂಸ್ಕ್ರತ ಭಾಷೆ ಮಕ್ಕಳ ಭವಿಷ್ಯದ ಹೆಬ್ಬಾಗಿಲು ಆಗಲಿ ಎಂದು ಮಕ್ಕಳಿಗೆ ಪ್ರೋತ್ಸಾಹದಾಯಕ ಮಾತುಗಳನ್ನು ನೀಡಿದರು. ಕುಂಬಳೆ ಉಪಜಿಲ್ಲಾ ವಿದ್ಯಾಧಿಕಾರಿ ಶ್ರೀಯುತ ಕೈಲಾಸಮೂರ್ತಿಯವರು ಭಾಗವಹಿಸಿದ ಎಲ್ಲ ಸಂಸ್ಕ್ರತ ಶಿಬಿರಾರ್ಥಿಗಳಿಗೆ ಪ್ರಶಸ್ತಿ ಪತ್ರವನ್ನು ವಿತರಿಸಿದರು. ಸಮಾರೋಪ ಸಮಾರಂಭದ ಕೊನೆಯಲ್ಲಿ ಶ್ರೀ ವಿಘ್ನೇಶ್ವರ ಭಟ್ ಇವರು ಧನ್ಯವಾದ ಸಮರ್ಪಿಸಿದರು. ಶಿಕ್ಷಕ ಶ್ರೀ ಎಸ್.ಎನ್ ವೆಂಕಟ ವಿದ್ಯಾಸಾರರು ಎಲ್ಲರನ್ನು ಸ್ವಾಗತಿಸಿ, ಶಿಕ್ಷಕ ಶ್ರೀ ಪದ್ಮನಾಭ .ಆರ್ ಇವರು ನಿರೂಪಿಸಿದರು. ಲಘು ಉಪಹಾರದೊಂದಿಗೆ ಅಂದಿನ ಕಾರ್ಯಕ್ರಮ ಮುಕ್ತಾಯಗೊಂಡಿತು.

                   ವೃತ್ತಿ ಪರಿಚಯ ಮೇಳ

        ಅಡೂರಿನ ಜಿ.ಎಚ್.ಎಸ್ ನಲ್ಲಿ ನಡೆದ ವೃತ್ತಿ ಪರಿಚಯ ಮೇಳದಲ್ಲಿ ಭಾಗವಹಿಸಿದ ನಮ್ಮ ಶಾಲಾ ವಿದ್ಯಾರ್ಥಿಗಳಾದ ಸಂಜನಾ ಹೃಷಿಕೇಶ್-ವೇಸ್ಟ್ ಮೆಟಿರಿಯಲ್, ದಯಾನಂದ-ಬೀಡ್ಸ್ ವರ್ಕ್‌ನಲ್ಲಿ ಎ ಗ್ರೇಡ್ ಪಡೆದುಕೊಂಡಿದ್ದಾರೆ.