ಶಿಕ್ಷಕರ  ದಿನಾಚರಣೆ

ನಮ್ಮ ಶಾಲೆಯಲ್ಲಿ ಶಿಕ್ಷಕರ ದಿನಾಚರಣೆಯ ಅಂಗವಾಗಿ ರಕ್ಷಕ ಶಿಕ್ಷಕ ಸಂಘ, ಮಾತೃ ಮಂಡಳಿ, ಹಾಗೂ ವಿದ್ಯಾರ್ಥಿ ಪ್ರತಿನಿಧಿಗಳನ್ನೊಳಗೊಂಡು ಈ ಪ್ರದೇಶದ ಹಿರಿಯ ಶಿಕ್ಷಕರಾದ ಖ್ಯಾತ ಶಿಶು ಸಾಹಿತಿ ವಿ.ಮ ಭಟ್ ಅಡ್ಯನಡ್ಕ ಇವರ ಸ್ವಗೃಹಕ್ಕೆ ತೆರಳಿ ಶಾಲು ಹೊದಿಸಿ, ಫಲ ಪುಷ್ಪ, ತಾಂಬೂಲ ನೀಡಿ ಗೌರವಿಸಲಾಯಿತು. ಈ ಸಂದರ್ಭದಲ್ಲಿ ’ಜಗದ್ಗುರುವಾಗಿರುವ ಶ್ರೀಕೃಷ್ಣನ ಜನ್ಮ ದಿನಾಚರಣೆಯಂದೇ ಶಿಕ್ಷಕರ ದಿನಾಚರಣೆಯು ಮೇಳೈಸಿದುದು ನಮ್ಮೆಲ್ಲರ ಯೋಗವಾಗಿದೆ’. ಶ್ರೀ ಕೃಷ್ಣನು ಭಗವದ್ಗೀತೆಯಲ್ಲಿ ಮನುಷ್ಯ ಜೀವನದ ನಾನಾ ಮಜಲುಗಳಲ್ಲಿರಬೇಕಾದ ಸ್ಥಿತಿಗತಿಗಳನ್ನು ವಿವರಿಸಿದರೆ, ಶ್ರೀ ರಾಮನು ಸ್ವತಃ ಜೀವನಕ್ಕೆ ಅನುಸರಿಸಲು ಯೋಗ್ಯವಾದುದು. ಯಾರು ಸಮಾಜದಲ್ಲಿ ತನ್ನನ್ನು ಪರರಿಗೊಸ್ಕರವಾಗಿ ಸಮರ್ಪಿಸಿಕೊಳ್ಳುತ್ತಾರೋ ಅವರಲ್ಲಿ ನನ್ನ ಅಂಕ ಅಧಿಕವಾಗಿದೆ ಎಂಬುದಾಗಿ ಶ್ರೀಕೃಷ್ಣನು ವಿಭೂತಿ ಯೋಗ ದಲ್ಲಿ ಉಲ್ಲೇಖಿಸುತ್ತಾನೆ. ಅಂತಹ ವಿಭೂತಿ ಪುರುಷರಾದ ಡಾ|ಎಸ್ ರಾಧಾಕೃಷ್ಣನ್ ರವರ ಬದುಕು ನಮಗೆಲ್ಲರಿಗೂ ಅನುಸರನೀಯವಾಗಲಿ, ಶಿಕ್ಷಕರನ್ನು ಗೌರವಿಸುವುದು ಮುಂದಿನ ತಲೆಮಾರಿಗೆ ನೀಡುವ ಸಂದರ್ಭವಾಗಿದೆ. ಇಬ್ಬರು ರಾಷ್ಟ್ರಾಧ್ಯಾಕ್ಷರುಗಳಾದ ಡಾ|ಎಸ್ ರಾಧಾಕೃಷ್ಣನ್ ಮತ್ತು ಡಾ| ಎ.ಪಿ.ಜೆ ಅಬ್ದುಲ್ ಕಲಾಂರ ಆದರ್ಶಗಳನ್ನು ವಿದ್ಯಾರ್ಥಿಗಳು ಪಾಲಿಸುವಂತಾಗಬೇಕು ಎಂದು ಅಭಿಪ್ರಾಯಪಟ್ಟರು. ಇಂತಹ ಕೆಲಸಗಳು ನಿಮ್ಮ ಸಂಸ್ಥೆಯಿಂದ ನಿರಂತರ ನಡೆಯಲಿ, ನಿಮ್ಮೆಲ್ಲರ ಒಗ್ಗಟ್ಟಿನ ಫಲವೇ ಈ ರೀತಿಯ ಕಾರ್ಯಕ್ರಮಗಳ ಯಶಸ್ಸು ಎಂದು ಸಂತಸದಿಂದ ಹಾರೈಸಿದರು. ಹಾಗೆಯೇ ಇನ್ನೋರ್ವ ಹಿರಿಯ ಶಿಕ್ಷಕಿ ಶ್ರೀಮತಿ ಸೀತು ಟೀಚರ್ ಬಜಕೂಡ್ಲು ಇವರ ನಿವಾಸಕ್ಕೆ ತೆರಳಿ ಶಾಲು ಹೊದಿಸಿ, ಫಲ ಪುಷ್ಪ, ತಾಂಬೂಲ ನೀಡಿ ಗೌರವಿಸಲಾಯಿತು. ೮೩ ರ ತನ್ನ ಇಳಿವಯಸ್ಸಿನಲ್ಲಿ ಈ ಗೌರವಾರ್ಪಣೆ ಸಮಾಜದ ಮುಖಿ ಚಿಂತನೆಯ ಫಲವಾಗಿ ಎಂದು ಸಂತಸಪಟ್ಟರು. ತಾನು ಸುದೀರ್ಘ ೩೮ ವರುಷಗಳ ಅಧ್ಯಾಪನ ವೃತ್ತಿಯಿಂದ ಬಹಳ ನೆಮ್ಮದಿ ಪಡೆದಿದೆ, ನನ್ನಿಂದ ವಿದ್ಯಾರ್ಜನೆಗೈದ ಸುಶಿಕ್ಷಿತ ಸಮಾಜದ ಕಾರಣ ಕರ್ತರಾದ ಶಿಷ್ಯರು ನನ್ನ ಜೀವನದ ಆಸ್ತಿ ಎಂಬುದಾಗಿ ತನ್ನ ಮನದಾಳದ ಮಾತುಗಳಿಂದ ಹಾರೈಸಿದರು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ.ಪಿ.ಶಿವರಾಮ ಭಟ್, ಪಿ.ಟಿ.ಎ. ಅಧ್ಯಕ್ಷ ಲಕ್ಷ್ಮೀಪ್ರಿಯ ಸರಳಾಯ, ಶಿಕ್ಷಕರಾದ ಕೆ.ಶಿವರಾಮ್ ಭಟ್, ಶ್ರೀಮತಿ ಗೀತಾಕುಮಾರಿ, ಶ್ರೀಮತಿ ಗೀತಾಂಜಲಿ, ಕು|ಜಯಲಕ್ಷ್ಮಿ.ಕೆ, ಶ್ರೀ ಪದ್ಮನಾಭ ಆರ್, ಶ್ರೀ ಮಿಥುನ್ ವಿ.ಆರ್, ಎಸ್.ಎನ್ ವೆಂಕಟ ವಿದ್ಯಾಸಾಗರ, ಶ್ರೀ ಸಚ್ಚಿದಾನಂದ ಎಸ್ ಮತ್ತು ವಿದ್ಯಾರ್ಥಿಗಳು ಸಾಕ್ಷಿಯಾದರು. 

  ಸಂಸ್ಕ್ರತ ದಿನಾಚರಣೆ 

     ಸಂಸ್ಕ್ರತದ ಪಿತ ಪಾನಿಣಿಯವರ ಜನ್ಮದಿನವಾದ ನೂಲ ಹುಣ್ಣಿಮೆಯಂದು ಎಲ್ಲೆಡೆ ಸಂಸ್ಕ್ರತ ದಿನಾಚರಣೆಯನ್ನು ಆಚರಿಸುತ್ತಾರೆ. ಈ ನಿಟ್ಟಿನಲ್ಲಿ ನಮ್ಮಶಾಲೆಯಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಯಿತು. 

ಸಂಸ್ಕ್ರತ ದಿನಾಚರಣೆಯ ಅಂಗವಾಗಿ ಏರ್ಪಡಿಸಿದ ವಸ್ತು ಪ್ರದರ್ಶನವನ್ನು ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ದೀಪ ಬೆಳಗಿಸಿ ಉಧ್ಘಾಟಿಸಿದರು. ನಮ್ಮ ದಿನ ನಿತ್ಯದ ಬಳಕೆಯ ನಿತ್ಯೋಪಯೋಗಿ ಹಲವಾರು ವಸ್ತುಗಳನ್ನು ಸಂಸ್ಕ್ರತ ನಾಮಧ್ಯೇಯಯೊಂದಿಗೆ ಪ್ರದರ್ಶಿಸಲಾಯಿತು. ಈ ಸಂದರ್ಭ ಗ್ರಂಥಾಲಯದಲ್ಲಿರುವ ಹಲವಾರು ಸಂಸ್ಕ್ರತ ಪುಸ್ತಕಗಳ ಪ್ರದರ್ಶನವನ್ನು ಏರ್ಪಡಿಸಲಾಯಿತು. ನಂತರ ೧ ರಿಂದ ೭ ನೇ ತರಗತಿಯ ಎಲ್ಲಾ ಸಂಸ್ಕ್ರತ ಮಕ್ಕಳನ್ನು ಸೇರಿಕೊಂಡು ಅಭಿನಯ ಗೀತೆ, ಸಮೂಹಗಾನ, ನೃತ್ಯ ಮೊದಲಾದ ಮನರಂಜನಾ ಕಾರ್ಯಕ್ರಮ ಜರಗಿತು. ಸಂಸ್ಕ್ರತ ಶಿಕ್ಷಕರಾದ ಕೆ.ಶಿವರಾಮ್  ಭಟ್‌ರವರು ಕಾರ್ಯಕ್ರಮದ ನೇತೃತ್ವವನ್ನು ವಹಿಸಿದ್ದು, ಈ ಸಂದರ್ಭದಲ್ಲಿ ಎಲ್ಲರು ಸಂಸ್ಕ್ರತವನ್ನು ಅರಿತು ಭವಿಷ್ಯದಲ್ಲಿ ಉತ್ತಮ ಸಂಸ್ಕ್ರತ ಪಾಂಡಿತ್ಯವನ್ನು ಗಳಿಸಿರೆಂದು ಶುಭ ಹಾರೈಸಿದರು. ವಿದ್ಯಾರ್ಥಿಗಳಾದ ಅಕ್ಷಯ್ ವೈ, ರಂಜನ್ ಎಸ್ ಹಾಗೂ ಗಿರೀಶ ಕಾರ್ಯಕ್ರಮ ನಿರೂಪಿಸಿದರು.

 ಉಚಿತ ಸಮವಸ್ತ್ರ ವಿತರಣೆ

           ನಮ್ಮ ಶಾಲೆಯಲ್ಲಿ ಸರಕಾರದ ವತಿಯಿಂದ ದೊರೆತ ಉಚಿತ ಸಮವಸ್ತ್ರವನ್ನು ವಾರ್ಡ್ ಸದಸ್ಯ ಶ್ರೀ ರವಿ.ಕೆ ಯವರು ಮಕ್ಕಳಿಗೆ ವಿತರಿಸಿದರು. ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ ಶ್ರೀ ಲಕ್ಷೀ ಪ್ರಿಯ ಸರಳಾಯ ಹಾಗೂ ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ.ಶಿವರಾಮ ಭಟ್ ರವರು ಉಪಸ್ಥಿತರಿದ್ದರು.

         ಸಾರ್ವಜನಿಕ ವರಮಹಾಲಕ್ಷ್ಮೀ ಪೂಜೆ

ಸ್ವಾಮೀ ವಿವೇಕಾನಂದ ಎ.ಯು.ಪಿ ಶಾಲಾ ಮಾತೃ ಸಂಘದ ವತಿಯಿಂದ ಶ್ರೀ ವರಮಹಾಲಕ್ಷ್ಮೀ ಪೂಜೆಯು ಶಾಲಾ ಪರಿಸರದಲ್ಲಿ ಜರಗಿತು. ಪುರೋಹಿತರಾದ ಸಜಂಗದ್ದೆ ಶ್ರೀಧರ ಭಟ್ ಮತ್ತು ಬಳಗದವರ ನೇತೃತ್ವದಲ್ಲಿ ಹಿರಿಯ ಮುತ್ತೈದೆ ಶ್ರೀಮತಿ ಸುಗುಣಾ ಬರೆಕರೆಯವರು ಪೂಜೆ ನೆರೆವೇರಿಸಿದರು. ಮಾತೆಯರಿಂದ ಲಲಿತಾಸಹಸ್ರನಾಮ ಪಾರಾಯಣ ನಡೆಯಿತು. ಶಾಲಾ ಸಂಸ್ಕ್ರತ ಶಿಕ್ಷಕ ಶ್ರೀ ಶಿವರಾಮ ಭಟ್ .ಕೆ ಯವರು ವರಮಹಾಲಕ್ಷ್ಮೀ ವ್ರತಾಚರಣೆಯ ಮಹತ್ವವನ್ನು ನೆರೆದವರಿಗೆಲ್ಲ ಮನದಟ್ಟಾಗುವಂತೆ ತಿಳಿಸಿದರು. 

ಈ ಸಂದರ್ಭದಲ್ಲಿ ನಮ್ಮ ಶಾಲಾ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಹೊಲಿಗೆ ತರಬೇತಿಯನ್ನು ನೀಡುತ್ತಿರುವ ಮಾತೃ ಸಂಘದ ಸದಸ್ಯರಾದ ಶ್ರೀಮತಿ ಅನುರೂಪ ಕೆದಂಬಾಯಿ ಮೂಲೆ ಹಾಗೂ ಶ್ರೀಮತಿ ನಯನಾ ಬಳಕ್ಕ ಇವರನ್ನು ಗೌರವಿಸಲಾಯಿತು. ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್‌ರವರು ಶಾಲಾ ಮಕ್ಕಳಿಗೆ ವೃತ್ತಿ ಪರಿಚಯ ತರಬೇತಿಯನ್ನು ಉಚಿತವಾಗಿ ನೀಡುತ್ತಿರುವುದರಿಂದ ಅವರನ್ನು ಗೌರವಿಸಲಾಯಿತು. 

ಸುಮಾರು ೩೦೦ ಕ್ಕೂ ಅಧಿಕ ಮುತ್ತೈದೆಯರು ಆಗಮಿಸಿ ಪೂಜಾ ಕಾರ್ಯದಲ್ಲಿ ಭಾಗವಹಿಸಿದರು. ಆಗಮಿಸಿದವರಿಗೆಲ್ಲಾ ಉಪಹಾರದ ವ್ಯವಸ್ಥೆಯನ್ನು ಮಾಡಲಾಗಿತ್ತು.

                           
                     ನಾಡ ಹಬ್ಬ ಓಣಂ ಆಚರಣೆ   

೬೯ ನೇ ಸಂಭ್ರಮದ ಸ್ವಾತಂತ್ರೋತ್ಸವ

           ನಮ್ಮ ಶಾಲೆಯಲ್ಲಿ ೬೯ ನೇ ಸ್ವಾತಂತ್ರೋತ್ಸವಕ್ಕೆ ಭಾರತದ ವಿವಿಧ ರಾಜ್ಯಗಳಲ್ಲಿ ೨೭ ವರ್ಷಗಳು ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾಗಿರುವ ಕಾಟುಕುಕ್ಕೆ ಅಪ್ಪಯ ಮಣಿಯಾಣಿಯವರು ಧ್ವಜಾರೋಹಣ ಗೈಯುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆಯಿತ್ತರು. 

ಬಳಿಕ ನಡೆದ ಸಭಾ ಕಾರ್ಯಕ್ರಮದಲ್ಲಿ ಶಾಲಾ ನಿವೃತ್ತ ಮುಖ್ಯೋಪಾಧ್ಯಾಯರಾದ ಶ್ರೀ ಕೆ ವೈ ಸುಬ್ರಹ್ಮಣ್ಯ ಭಟ್‌ರವರು ಶಾಲೆಯಲ್ಲಿ ರಕ್ಷಕ ಶಿಕ್ಷಕ ಸಂಘದ ವತಿಯಿಂದ ನೂತನವಾಗಿ ವ್ಯವಸ್ಥೆಗೊಳಿಸಿದ ಧ್ವನಿವರ್ಧಕವನ್ನು ಔಪಚಾರಿಕವಾಗಿ ಉಧ್ಘಾಟಿಸಿದರು. ಮುಖ್ಯ ಅತಿಥಿ ಸ್ಥಾನವನ್ನು ವಹಿಸಿದ ನಿವೃತ್ತ ಯೋಧ ಅಪ್ಪಯ ಮಣಿಯಾಣಿಯವರು ಭಾರತದ ಇಂದಿನ ರಾಜಕೀಯ ವ್ಯವಸ್ಥೆ, ಕಾನೂನು ವ್ಯವಸ್ಥೆಯ ಬಗ್ಗೆ ಕರೋ, ಓರ್ ಪ್ಯಾರ್ ಕರೋ ನವ ಭಾರತ ನಿರ್ಮಾಣ ಕ್ಕೆ ಮುಂದೆ ಬರಬೇಕು ಎಂದು ಮಕ್ಕಳಿಗೆ ಸಂದೇಶವನಿತ್ತರು. ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷರಾದ ಶ್ರೀ ಲಕ್ಷ್ಮೀಪ್ರಿಯ ಶರಳಾಯರು ಅಧ್ಯಕ್ಷ ಸ್ಥಾನವನ್ನು ವಹಿಸಿದ್ದರು. ಉಪಸ್ಥಿತರಾಗಿದ್ದ ಶಾಲಾ ವ್ಯವಸ್ಥಾಪಕ ಶ್ರೀ ಹೃಷಿಕೇಶ ವಿ.ಎಸ್ ಹಾಗೂ ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ರವರು ಸ್ವಾತಂತ್ರೋತ್ಸವದ ಅಂಗವಾಗಿ ಏರ್ಪಡಿಸಿದ ವಿವಿಧ ಸ್ಪರ್ಧೆಗಳ ವಿಜೇತರಿಗೆ ಬಹುಮಾನ ವಿತರಿಸಿದರು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ.ಪಿ ಶಿವರಾಮ್ ಭಟ್ ಸ್ವಾಗತಿಸಿ, ಶಿಕ್ಷಕ ಕೆ.ಶಿವರಾಮ್ ಭಟ್ ವಂದಿಸಿದರು. ಶಿಕ್ಷಕ ಸಚ್ಚಿದಾನಂದ ಎಸ್ ಕಾರ್ಯಕ್ರಮ ನಿರೂಪಿಸಿದರು.

ನಂತರ ೧ ರಿಂದ ೭ ನೇ ತರಗತಿಯ ಮಕ್ಕಳ ದೇಶಭಕ್ತಿಗಾನ ನಡೆಯಿತು. ಬಳಿಕ ಭಾರತ  ಮಾತೆ ಹಾಗೂ ಗಾಂಧೀಜಿ ವೇಷಧಾರಿಯಾಗಿ ಮಕ್ಕಳು ಮೆರವಣಿಗೆಗೆ ನೇತೃತ್ವ ನೀಡಿದರು. ಧ್ವನಿವರ್ಧಕದ ಸಹಾಯದಿಂದ ದೇಶಭಕ್ತಿಗಾನ ಒಂದೆಡೆಯಾದರೆ, ತ್ರಿವರ್ಣ ದಿಂದ ಕೂಡಿದ ಡಿಸ್‌ಪ್ಲೇ ಪ್ರದರ್ಶನ ಮೆರವಣಿಗೆಗೆ ವಿಶೇಷ ಮೆರುಗನ್ನು ನೀಡಿತು. ಕಾರ್ಯಕ್ರಮದ ಕೊನೆಯಲ್ಲಿ ಪಿ.ಟಿ.ಎ ವತಿಯಿಂದ ಸಿಹಿತಿಂಡಿ ವಿತರಣೆಯಾಯಿತು.

ಸಾಕ್ಷರ ಯೋಜನೆ-ಉದ್ಘಾಟನೆ

          ನಮ್ಮ ಶಾಲೆಯಲ್ಲಿ ಕಲಿಕೆಯಲ್ಲಿ ಹಿಂದುಳಿದ ಮಕ್ಕಳ ಪುರೋಗತಿಗಾಗಿ ಸಾಕ್ಷರ ಯೋಜನೆಯನ್ನು ಆರಂಭಿಸಲಾಯಿತು. ಈ ಯೋಜನೆಯನ್ನು ದಿನಾಂಕ:೨೮.೦೭.೨೦೧೫ನೇ ಮಂಗಳವಾರದಂದು ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್‌ರವರು ದೀಪ ಬೆಳಗಿಸಿ ಉದ್ಘಾಟಿಸಿದರು. ಈ ಯೋಜನೆಯ ಪ್ರಯೋಜನವನ್ನು ಸರಿಯಾಗಿ ಸದುಪಯೋಗ ಪಡಿಸಿ, ಮುಂದಿನ ವರ್ಷಗಳಲ್ಲಿ ಎಲ್ಲರು ಓದು, ಬರಹಗಳಲ್ಲಿ ಪರಿಣತಿ ಪಡೆದು ತರಗತಿ ಚಟುವಟಿಕೆಗಳಲ್ಲಿ ಉತ್ತಮ ರೀತಿಯಲ್ಲಿ ಪಾಲ್ಗೊಳ್ಳುವಂತಾಗಲಿ ಎಂದು ಈ ಸಂದರ್ಭದಲ್ಲಿ ಅವರು ನುಡಿದರು. ಸಂಸ್ಕ್ರತ ಶಿಕ್ಷಕರಾದ ಶ್ರೀ ಶಿವರಾಮ್ ಭಟ್.ಕೆ ಯವರು ಅಧ್ಯಕ್ಷ ಸ್ಥಾನವನ್ನು ವಹಿಸಿದ್ದರು.

ಸಾಕ್ಷರ ಯೋಜನೆಯಲ್ಲಿ ಭಾಗಿಯಾಗಲು ಅರ್ಹತೆ ಪಡೆದ ಮಕ್ಕಳಿಗೆ ಬರವಣಿಗೆಗೆ ನೋಟು ಪುಸ್ತಕವನ್ನು ಪಿ.ಟಿ.ಎ ವತಿಯಿಂದ ನೀಡಲಾಯಿತು. ಎಲ್.ಪಿ ಮತ್ತು ಯು.ಪಿ ತರಗತಿಗಳಿಗೆ ಪ್ರತ್ಯೇಕ ಎರಡು ಗುಂಪು ಮಾಡಿ ಶಿಕ್ಷಕರೇ ತಯಾರಿಸಿದ ಮೊಡ್ಯುಲ್‌ನ್ನು ಉಪಯೋಗಿಸಿ ತರಗತಿಯನ್ನು ಆರಂಭಿಸಲಾಯಿತು. 

ಎ.ಪಿ.ಜೆ ಅಬ್ದುಲ್ ಕಲಾಂ-ಭಾವ ಪೂರ್ಣ ನುಡಿ ನಮನ

          ಭಾರತದ ಧ್ರುವತಾರೆ, ಮಾಜಿ ರಾಷ್ಟ್ರಪತಿ, ಕ್ಷಿಪಣಿ ಪಿತಾಮಹ, ಭಾರತ ರತ್ನ ಎ.ಪಿ.ಜೆ ಅಬ್ದುಲ್ ಕಲಾಂ ಅವರಿಗೆ  ವಿಜ್ಞಾನ  ಸಂಘದ ವತಿಯಿಂದ ಭಾವ ಪೂರ್ಣ ನುಡಿ ನಮನವನ್ನು ಮೌನ ಪ್ರಾರ್ಥನೆಯ ಮೂಲಕ ಅರ್ಪಿಸಲಾಯಿತು. ವಿಜ್ಞಾನ ಶಿಕ್ಷಕರಾದ ವೆಂಕಟವಿದ್ಯಾಸಾಗರ್‌ರವರು ಕಲಾಂರವರ ವ್ಯಕ್ತಿ ಪರಿಚಯ ಸಾಧನೆಗಳ ಮಾಹಿತಿಯನ್ನಿತ್ತರು. 

ಚಾಂದ್ರ ದಿನ- ಜುಲೈ ೨೧

ನಮ್ಮ ಶಾಲೆಯಲ್ಲಿ ಚಾಂದ್ರ ದಿನದ ಅಂಗವಾಗಿ ವಿeನ ಕ್ಲಬಿನ ವತಿಯಿಂದ ಜುಲೈ ೨೧ ರಂದು ಕಾರ್ಯಕ್ರಮ ಜರಗಿತು. ಸ್ವರ್ಗ ತರಂಗ ರೇಡಿಯೋ ದಲ್ಲಿ ಚಾಂದ್ರದಿನ ವಿವರಣೆಯನ್ನು ಸಂಘದ ಸದಸ್ಯರು ಬಿತ್ತರಿಸಿದರು. ಶಾಲಾ ಬಾಲೋದ್ಯಾನದಲ್ಲಿ ಚಾಂದ್ರಯಾನಕ್ಕೆ ಸಂಬಂಧಿಸಿದ ಚಿತ್ರಗಳನ್ನು ಪ್ರದರ್ಶಿಸಲಾಯಿತು. ನಂತರ ಚಾಂದ್ರಯಾನಕ್ಕೆ ಸಂಬಂಧಿಸಿದ ಸ್ಲೈಡ್ ಪ್ರದರ್ಶಿಸಲಾಯಿತು. ಚಾಂದ್ರಯಾನಕ್ಕೆ ಸಂಬಂಧಿಸಿದ ವ್ಯಕ್ತಿಗಳು, ಯಾನಕ್ಕೆ ಸಂಬಂಧಿಸಿದ ನೌಕೆ, ಚಂದ್ರನ ಮೇಲಿನ ವಾತಾವರಣ ಇವುಗಳಿಗೆ ಪೂರಕವಾದ ಫೋಟೋ ಹಾಗೂ ವೀಡಿಯೋವನ್ನು ಪ್ರದರ್ಶಿಸಿದರು. ಅದಕ್ಕೆ ಅನುಗುಣವಾಗಿ ಪೂರಕ ಮಾಹಿತಿಯನ್ನು ವಿಜ್ಞಾನ ಶಿಕ್ಷಕ ವೆಂಕಟ ವಿದ್ಯಾಸಾಗರ್‌ರವರು ನೀಡಿದರು.  

 ಮಾತೃ ಸಂಘದ ಸಭೆ - ಜುಲೈ ೯

ನಮ್ಮ ಶಾಲೆಯಲ್ಲಿ ಮಾತೃ ಸಂಘದ ಈ ಶೈಕ್ಷಣಿಕ ವರ್ಷದ ಮೊದಲ ಸಭೆಯು ದಿನಾಂಕ ೯ ಜುಲೈ ೨೦೧೫ ರಂದು ಜರಗಿತು. ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ಅಧ್ಯಕ್ಷ ಸ್ಥಾನವನ್ನು ವಹಿಸಿದ್ದರು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ. ಶಿವರಾಮ್ ಭಟ್ ಹಾಗೂ ಮಾತೃ ಸಂಘದ ಉಪಾಧ್ಯಕ್ಷೆ ಶ್ರೀಮತಿ ನಳಿನಿಯವರು ಉಪಸ್ಥಿತರಿದ್ದರು. 

ಸಂಘದ ಕಾರ್ಯದರ್ಶಿ ಶಿಕ್ಷಕಿ ಶ್ರೀಮತಿ ಗೀತಾ ಕುಮಾರಿಯವರು ಈ ವರ್ಷ ಕೈಗೊಳ್ಳುವ ಕಾರ್ಯ ಚಟುವಟಿಕೆಗಳ ಕಿರು ಮಾಹಿತಿಯನ್ನಿತ್ತರು. ಈ ವರ್ಷದ ಸಾರ್ವಜನಿಕ ವರಮಹಾಲಕ್ಷ್ಮಿ ಪೂಜೆಯನ್ನು ಆಚರಿಸುವುದರ ಕುರಿತು ಒಂದೊಂದೆ ವಿಚಾರಗಳನ್ನು ಚರ್ಚೆಗೆ ಇಟ್ಟು ಸಭೆಯಲ್ಲಿ ತೀರ್ಮಾನವನ್ನು ಕೈಗೊಳ್ಳಲಾಯಿತು. ಸುಮಾರು ೫೦ ಮಂದಿ ಮಾತೆಯರು ಸಭೆಯಲ್ಲಿ ಪಾಲ್ಗೊಂಡಿದ್ದರು. ಶಿಕ್ಷಕಿಯರಾದ ಶ್ರೀಮತಿ ಕಲಾವತಿ ಸ್ವಾಗತಿಸಿ ಶ್ರೀಮತಿ ಗೀತಾಂಜಲಿಯವರು ಕಾರ್ಯಕ್ರಮಕ್ಕೆ ವಂದನಾರ್ಪಣೆಗೈದರು. 

ಹೆಣ್ಣು ಮಕ್ಕಳಿಗೆ ವಿಶೇಷ ತರಗತಿ

ನಮ್ಮ  ಶಾಲೆಯಲ್ಲಿ ಯು.ಪಿ ವಿಭಾಗದ ಹೆಣ್ಣು ಮಕ್ಕಳಿಗೆ ವಿಶೇಷ ತರಗತಿ ಜರಗಿತು. ಪೆರ್ಲ ಪಿ.ಎಚ್.ಸಿ ಯ ಸಿಸ್ಟರ್ ಪ್ರೇಮರವರು ಹದಿಹರೆಯ ಸಮಸ್ಯೆ, ಮುಂಜಾಗ್ರತೆ, ಪೋಷಕ ಹಾಗೂ ಸಮತೂಕದ ಆಹಾರ, ವ್ಯಕ್ತಿ ಶುಚಿತ್ವ, ಪರಿಸರ ಶುಚಿತ್ವದ ಪ್ರಾಧಾನ್ಯತೆ ಹಾಗೂ ಕೊರತೆ, ಚೈಲ್ಡ್ ಲೈನ್‌ನ ಪ್ರಾಮುಖ್ಯತೆ, ವ್ಯಾಯಾಮ ಇವೆಲ್ಲವುಗಳ ಸಮಗ್ರ ಮಾಹಿತಿಯನ್ನು ಮಕ್ಕಳಿಗೆ ತಿಳಿಸಿದರು. ಈ ಸಂದರ್ಭದಲ್ಲಿ ಮಕ್ಕಳ ಸಮಸ್ಯೆಗೆ ಪರಿಹಾರ ಮಾರ್ಗವನ್ನು ಸೂಚಿಸುವ ಮೂಲಕ ಸ್ವಂದನೆಯಿತ್ತರು. ವಾಣೀನಗರ ಪಿ.ಎಚ್.ಸಿ ಯ ಸಿಸ್ಟರ್ ಸೂರಜಾ ೬ನೇ ವಾರ್ಡಿನ ಆಶಾವರ್ಕರ್ ಶ್ರೀಮತಿ ಚಂದ್ರಾವತಿ ಎ.ಟಿ ಹಾಗೂ ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ಉಪಸ್ಥಿತರಿದ್ದರು. ಶಿಕ್ಷಕಿ ಶ್ರೀಮತಿ ಗೀತಾ ಕುಮಾರಿ ಸ್ವಾಗತಿಸಿ, ಶಿಕ್ಷಕಿ ಶ್ರೀಮತಿ ಗೀತಾಂಜಲಿ ವಂದಿಸಿದರು. 

ಸುವರ್ಣ ಕೇರಳ ಯೋಜನೆ-ಶಾಲಾ ಮಕ್ಕಳಿಗೆ ಗಿಡ ವಿತರಣೆ

ಸುವರ್ಣ ಕೇರಳ ಯೋಜನೆಯ ಮೂಲಕ ಪೆರ್ಲ ಸರ್ವಿಸ್ ಕೋಪರೇಟಿವ್ ಬ್ಯಾಂಕ್‌ನ ವತಿಯಿಂದ ನಮ್ಮ ಮಕ್ಕಳಿಗೆ ಕೊಡ ಮಾಡಿದ ವಿವಿಧ ಜಾತಿಯ ಮರಗಳ ಸಸಿಯನ್ನು ಸರ್ವಿಸ್ ಕೊಪರೇಟಿವ್ ಬ್ಯಾಂಕ್ ಸ್ವರ್ಗ ಘಟಕದ ಅಧಿಕಾರಿ ಜಯಪ್ರಕಾಶ್ ವಿತರಿಸಿದರು. ಬ್ಯಾಂಕ್ ಅಧಿಕಾರಿಗಳಾದ ಪದ್ಮನಾಭ ಮತ್ತು ರಾಮಕೃಷ್ಣ ಹಾಗೂ ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ. ಶಿವರಾಮ್ ಭಟ್ ಉಪಸ್ಥಿತರಿದ್ದರು. 

ಬಯೋಗ್ಯಾಸ್ ಪ್ಲಾಂಟ್‌ನ ಉದ್ಘಾಟನಾ ಕಾರ್ಯಕ್ರಮ

      ನಮ್ಮ ಶಾಲೆಯಲ್ಲಿ ನೇಚರ್ ಕ್ಲಬಿನ ವತಿಯಿಂದ ಬಯೋಗ್ಯಾಸ್ ಪ್ಲಾಂಟ್‌ನ ಉದ್ಘಾಟನಾ ಕಾರ್ಯಕ್ರಮ ಜರಗಿತು. ಕೇರಳ ರಾಜ್ಯ ಕೃಷಿ ಇಲಾಖೆ ಹಾಗೂ ಎಣ್ಮಕಜೆ ಗ್ರಾಮ ಪಂಚಾಯತ್‌ನ ಸಹಯೋಗದೊಂದಿಗೆ ಲಭಿಸಿದ ಬಯೋಗ್ಯಾಸ್ ಪ್ಲಾನ್ಟ್‌ನ್ನು ಎಣ್ಮಕಜೆ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಶ್ರೀ ಸೋಮಶೇಖರ್ ಜೆ.ಎಸ್ ರವರು ಗ್ಯಾಸ್ ಸ್ಟವ್‌ನ್ನು ಉರಿಸುವುದರ ಮುಖಾಂತರ ಉಧ್ಘಾಟಿಸಿದರು. ಎಣ್ಮಕಜೆ ಕೃಷಿಭವನದ ಕೃಷಿ ಅಧಿಕಾರಿ ಶ್ರೀಮತಿ ಮೀರಾರವರು ಮುಖ್ಯ ಅತಿಥಿ ಸ್ಥಾನವನ್ನು ವಹಿಸಿ ಮಾತನಾಡಿದರು. ಈ ಸಂದರ್ಭದಲ್ಲಿ ಅವರು ಜೈವಿಕ ಅವಶೇಷಗಳ ಸೂಕ್ತ ಸಂಸ್ಕರಣೆ, ಶಾಲಾ ಕೈತೋಟಕ್ಕೆ ಉತ್ತಮ ಸಾವಯವ ಗೊಬ್ಬರ ತಯಾರಿ, ಮಕ್ಕಳ ದಿನ ನಿತ್ಯದ ಕುಡಿನೀರಿಗಾಗಿ ಬಿಸಿನೀರಿನ ವ್ಯವಸ್ಥೆಯನ್ನು ಕಲ್ಪಿಸುವ ನಿಟ್ಟಿನಲ್ಲಿ ಅಲ್ಪ ಪ್ರಮಾಣದ ಅಡುಗೆ ಅನಿಲ ತಯಾರಿ ಈ ಮೂರು ಧ್ಯೇಯವನ್ನು ಈ ಯೋಜನೆಯಿಂದ ಸಿದ್ಧಿಸಲು ಸಾಧ್ಯ  ಎಂದರು.

ಎಣ್ಮಕಜೆ ಕೃಷಿಭವನದ ಸಹಾಯಕ ಕೃಷಿ ಅಧಿಕಾರಿ ಶ್ರೀ ಕರುಣಾಕರ್ ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷರಾದ ಶ್ರೀ ಲಕ್ಷ್ಮಿಪ್ರಿಯ ಶರಳಾಯ, ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಮಂಜರಿ ನವೀನ್ ಉಪಸ್ಥಿತರಿದ್ದರು. ನೇಚರ್ ಕ್ಲಬಿನ ಸದಸ್ಯರು ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ.ಶಿವರಾಮ್ ಭಟ್ ಸ್ವಾಗತಿಸಿ, ಶಿಕ್ಷಕ ಸಚ್ಚಿದಾನಂದ.ಎಸ್ ವಂದಿಸಿದರು.

ನಸು ನಗುವ ಹೂಗಳು 

3 ನೇ  ತರಗತಿಯ ' ಮೊಗ್ಗರಳಿ ಹೂವಾಗಿ '  ಎಂಬ ಪರಿಸರ ಅಧ್ಯಯನ  ಪಾಠ ಭಾಗಕ್ಕೆ ಸಂಬಂಧಿಸಿ ನಡೆಸಿದ ಪುಷ್ಪ ಪ್ರದರ್ಶನದಲ್ಲಿ  ನಸು ನಗುತಿರುವ ಹೂಗಳು.  

 ವಿಶ್ವ ವೈದ್ಯರ ದಿನಾಚರಣೆ

     ಜನ ಸಾಮಾನ್ಯರ ಆರೋಗ್ಯವನ್ನು ರಕ್ಷಿಸುವ, ಅನಾರೋಗ್ಯ ಪೀಡಿತರಾದಾಗ ಸೂಕ್ತ ಚಿಕಿತ್ಸೆಯನ್ನು ನೀಡಿ ಗುಣಪಡಿಸುವ, ಮರುಜನ್ಮ ನೀಡುವ ಹಾಗೂ ರೋಗಿಗಳಿಗೆ ಸಾಂತ್ವನ ನೀಡುವ ಸಲುವಾಗಿ ಹಗಲಿರುಳು ಶ್ರಮಿಸುವ ವೈದ್ಯರಿಗೆ ಕೃತಜ್ಞತೆ ಸಲ್ಲಿಸುವವುದರ ಜೊತೆಗೆ ಡಾ.ಬಿ.ಸಿ ರಾಯ್ ಇವರ ಜನ್ಮದಿನವನ್ನು ರಾಷ್ಟ್ರೀಯ ವೈದ್ಯರ ದಿನವನ್ನಾಗಿ ಆಚರಿಸಲಾಗುತ್ತದೆ. 

ಈ ನಿಟ್ಟಿನಲ್ಲಿ ನಮ್ಮ  ಶಾಲೆಯಲ್ಲಿ ಶಾಲಾ ಪರಿಸರದ ವೈದ್ಯರಾಗಿರುವ, ಎಂಡೋಸಲ್ಫಾನ ಸಿಂಪಡನೆಯ ವಿರುದ್ಧ ಹೋರಾಟ ನಡೆಸಿದ ಮೋಹನ್ ಕುಮಾರ್ ವೈ.ಎಸ್ ಇವರ ಕ್ಲಿನಿಕ್‌ಗೆ ವಿeನ ಸಂಘದ ಸದಸ್ಯರು ಹಾಗೂ ಸಂಚಾಲಕ ಶಿಕ್ಷಕ ವೆಂಕಟ ವಿದ್ಯಾಸಾಗರರವರು ತೆರಳಿ ಪುಷ್ಪ ಗುಚ್ಛ ಹಾಗೂ ಶುಭಾಷಯ ಪತ್ರ ನೀಡಿ ತಮ್ಮ ಸೇವೆಗೆ ಶುಭಾಷಯ ಕೋರಿದರು. ಶಾಲಾ ಎಸೆಂಬ್ಲಿಯಲ್ಲಿ ಸಂಘದ ಸದಸ್ಯೆ ಕುಮಾರಿ ಕವಿತಾಲಕ್ಷ್ಮಿ ವೈದ್ಯರ ದಿನದ ಆಚರಣೆಯ ಕುರಿತಾದ ಪ್ರಬಂಧ ಮಂಡಿಸಿದರು. ಶಾಲಾ ಮುಖ್ಯೋಪಾಧ್ಯಾಯ  ಶ್ರೀ.ಪಿ ಶಿವರಾಮ ಭಟ್‌ರವರು ಇನ್ನಷ್ಟು ಮಾಹಿತಿಯನ್ನಿತ್ತರು. 

ಹಲಸಿನ ಸೋಳೆ ದಾಸ್ತಾನು ಕಾರ್ಯಾಗಾರ

   ಮಳೆಗಾಲದಲ್ಲಿ ತರಕಾರಿ ವಿರಳ, ಬೆಲೆ ದುಬಾರಿ ಹಾಗೂ ಶಾಲಾ ಪರಿಸರದಲ್ಲಿ ಸಿಗುವ ಬೆಳೆ ಕಡಿಮೆ ಇದಕ್ಕೆಲ್ಲಾ ಪರಿಹಾರವನ್ನು ಕಂಡುಕೊಳ್ಳುವ ನಿಟ್ಟಿನಲ್ಲಿ ಪರಿಸರದಲ್ಲೇ ದೊರಕುವ ತಾಜಾ ರಾಸಾಯನಿಕ ಮುಕ್ತ ಹಲಸು ಬಲು ಸೊಗಸು. ಈ ನಿಟ್ಟಿನಲ್ಲಿ ನಮ್ಮ  ಶಾಲೆಯಲ್ಲಿ ಶಾಲಾ ಪರಿಸರದ ಹಲಸಿನ ಕಾಯಿಗಳನ್ನು ಕೊದು ಉಪ್ಪಿನಲ್ಲಿ ದಾಸ್ತಾನು ಮಾಡುವ ಕಾರ್ಯಾಗಾರ  ಮಕ್ಕಳು, ರಕ್ಷಕರು, ಶಿಕ್ಷಕರು ಸೇರಿಕೊಂಡು ನಡೆಯಿತು.

ಮಾದಕ ವಸ್ತು ವಿರೋಧಿ ದಿನ

ನಮ್ಮ  ಶಾಲೆಯಲ್ಲಿ ಮಾದಕವಸ್ತು ವಿರೋಧಿ ದಿನಾಚರಣೆಯ ಅಂಗವಾಗಿ ಶಾಲಾ ಎಸೆಂಬ್ಲಿಯಲ್ಲಿ ಮಾದಕ ವಸ್ತುಗಳನ್ನು ಸೇವಿಸದಂತೆ ಪ್ರತಿಜ್ಞಾ ಸ್ವೀಕಾರ ನಡೆಯಿತು. ಶಾಲಾ ಮುಖ್ಯೋಪಾಧ್ಯಾಯರು ಮಾದಕ ವಸ್ತುಗಳನ್ನು ಸೇವಿಸುವುದರಿಂದ ಆಗುವ ಅನಾಹುತವನ್ನು ತಿಳಿಸಿದರು.

ವಾಚನ ಸಪ್ತಾಹದ  ಸಮಾರೋಪ ಸಮಾರಂಭ

   ನಮ್ಮ ಶಾಲೆಯಲ್ಲಿ ವಾಚನ ಸಪ್ತಾಹದ ಸಮಾರೋಪ ಸಮಾರಂಭ ಜರಗಿತು. ಇದರ ಅಂಗವಾಗಿ ಮಕ್ಕಳು ತರಗತಿವಾರಾಗಿ ರಚಿಸಿದ ಹಸ್ತಪತ್ರಿಕೆಯನ್ನು ಶ್ರೀ ಸುಬ್ರಹ್ಮಣ್ಯೇಶ್ವರ ಹೈಯರ್ ಸೆಕೆಂಡರಿ ಶಾಲಾ ಅರ್ಥಶಾಸ್ತ್ರ ಉಪನ್ಯಾಸಕರಾದ ಶ್ರೀ ಪದ್ಮನಾಭ ಶೆಟ್ಟಿ ಬಿಡುಗಡೆಗೊಳಿಸಿದರು. ಸ್ಪರ್ಧಾತ್ಮಕ ಯುಗದಲ್ಲಿ ಅಸ್ಥಿತ್ವ ಸ್ಥಾಪಿಸಲು ಅಪಾರ eನ ಭಂಡಾರದ ಅಗತ್ಯವಿದೆ. ಇದನ್ನು ಸಾಧಿಸಲು ನಾವು ಪುಸ್ತಕ ಪ್ರೇಮಿ ಹವ್ಯಾಸಿಗಳು ಆಗಬೇಕು. ಆಧುನಿಕ ಮಾಧ್ಯಮದ ಪ್ರಭಾವ ಓದನ್ನು ಕುಂಠಿತಗೊಳಿಸುತ್ತದೆ. ಆದರೆ ಓದಿನ ಮಹಾಯಜ್ಞದಲ್ಲಿ ಭಾಗಿಯಾಗುವ ಮಹಾನ್ ಭಾಗ್ಯ ನಿಮಗೆ ದೊರೆತಿದೆ ಎಂದು ಅವರು ತಮ್ಮ ಉಧ್ಘಾಟನಾ ಭಾಷಣದಲ್ಲಿ ಅಭಿಪ್ರಾಯ ವ್ಯಕ್ತಪಡಿಸಿದರು. ಶಾಲಾ ರಕ್ಷಕ-ಶಿಕ್ಷಕ ಸಂಘದ ಅಧ್ಯಕ್ಷ ಶ್ರೀ ಲಕ್ಷೀಪ್ರಿಯ ಶರಳಾಯರು ಓದೋಣ, ಓದಿದನ್ನು ಅರ್ಥೈಯಿಸಿಕೊಳ್ಳೋಣ, ಅದನ್ನು ಜೀವನದಲ್ಲಿ ಅಳವಡಿಸೋಣ ಎಂದು ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ ವ್ಯಕ್ತಪಡಿಸಿದರು. ತಾವು ಓದಿದ ಪುಸ್ತಕದ ವಿಮರ್ಶೆ ಮಕ್ಕಳಿಂದ ಹಾಗೂ ಶಿಕ್ಷಕರಿಂದ ನಡೆಯಿತು. ವಿದ್ಯಾರ್ಥಿಗಳಾದ ತಿಲಕ್‌ರಾಜ್ ಹಾಗೂ ಅಭಯ್ ಕಾರ್ಯಕ್ರಮ ನಿರೂಪಿಸಿದರು. ವಿದ್ಯಾರ್ಥಿನಿಯರಾದ ಕುಮಾರಿ ಶ್ವೇತಾ, ವಿದ್ಯಾಲಕ್ಷ್ಮಿ ಹಾಗೂ ಮಮತ ಪ್ರಾರ್ಥಿಸಿದರು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಪಿ.ಶಿವರಾಮ್ ಭಟ್ ಸ್ವಾಗತಿಸಿ, ಶಿಕ್ಷಕ ಕೆ.ಶಿವರಾಮ್ ಭಟ್ ಧನ್ಯವಾದಗೈದರು.